شو بدنا نعمل ؟

موضوع: شو بدنا نعمل ؟ الخميس ماي 08, 2008 2:09 pm

هاد مرة موظف وقف عند البقالية يلي بيحارتو
وأشترى شوية غراض وعندالدفع طلب من صاحب البقالية
أنو يسجلهن عليه بالدين فرفض صاحب البقالية
وقلو ما بتعامل انا إلا بالكاش موني!!!
فقلو الموظف متعجب بدك كاش ؟؟
قلو صاحب البقالية أي ليش لأ؟
فجاوبو الموظف :
لأنوالكاش غير متوفر بالأسواق المحلية
لأنه تجمع بأيدي شلة من الحرمية
والحرمية صارو كتار والكترة غلبت الشجاعة
والشجاعة كنز لا يفنى
والكنز موجود بالمغارة
والمغارة ما بتفتح إلا لعلي بابا والأربعين حرامي
والأربعين حرامي صارو ملايين
والملايين عم تدفع لضعاف النفوس رشوة
والرشوة صارت حق
والحق يا حسرتي ضاع

والأكل ما عاد منو غذاء
والغذاء مقابل النفط
والنفط جاب البلا على روسنا
وروسنا تمرمطت بالأرض
والأرض مقابل السلام
والسلام صار استسلام
والاستسلام ضيّع الكرامة
والكرامة ربح أدام الوحدة
والوحدة صارت حلم
والحلم سيد الأخلاق
والأخلاق تحولت لنفاق
والنفاق جمع نفق
والنفق لازم يتكمّل
ولحتى يتكمّل بدو متعهد بناء صالح
وصالح ما عاد في بهالأيام
وبهالأيام صارت المفاهيم مقلوبة
والمقلوبة بدها بيتنجان ولحمة
واللحمة ماعادت تفوت لبيت الفقرا ولو نطحو الحيطان
والحيطان صار ألها أدان
والأدان معبية البلد
وهالبلد صار في أكل هوا
والهوا صار فيي تلوث
والتلوث عشعش بالنفوس...والسجل المدني والقضاء
وللقضاء على القضاء صار بدو قضاء وقدر
والقدر علينا مكتوب
والمكتوب ما في منو هريبة
والهريبة تلتين المرجلة
والمرجلة ما عادت لكل واحد
وكل واحد إلو ساعة
والساعة...........
...........الدنيا
وعلى الدنيا السلام مشان الحصول على الأختام
والأختام عند المدام
والمدام كانت شامية وهلأ صارت روسية شقرا
والشقرا بتهز الأرض
والأرض بتتكلم عربي
والعربي مو عرفان وين حاطو الله
والله إذا منضل على هالحالة لتسحبنا الكلاب
والكلاب أحسن من البني أدم
وأدم علق علقة مصخمة مع حوا
وحوا ما بتعرف غير كلمة بدي
وبدي إلعن أبو هالحالة
واشتري بالدين

موضوع: رد: شو بدنا نعمل ؟ الأحد ماي 18, 2008 8:42 pm

ههههههههههههههههههههههههههههه حلوى بشار
_________________
[url]

موضوع: رد: شو بدنا نعمل ؟ الأحد ماي 18, 2008 10:02 pm

ههههههههههههههههههههههههههههههههههههههههه يحرء حريشك شو هاد بشارو من وين بتنكشها
هههههههههه

بس شو منشان في آية قرآنية بالنص

جلسها:

والساعة أتية لا ريب فيها
يوم يأخذ كل ذي حق حقه الذي شفط منه في الدنيا

ياريت تعدل بهالسطرين حبيبي
_________________

موضوع: رد: شو بدنا نعمل ؟ الأحد ماي 18, 2008 11:04 pm

هلالالالالالالا ناريمان

دووووووم هالضحكة يا رب

تحياتــــــــي
_________________
ابتـــــــــعد في صمت وارحـــــل في هدوء
واتــــــرك جــــــروحي تنــــــام وتلتــــــئم..
وان حصــــــل عني العـــواذل وانشــــــدوا
قل لهــــــم خـــــان المبــــــــادىء والقيـم..
سمـــــــني غـــــدار او سمــــــــني عـــدو
وانت سمــــي نفـــــسك ب"ســـــيد الشيم"
اتــــــــرك احــــــزاني وارحـــل في هدوء
يمــــــكن جـــــــروحي تطــــيب وتلـــــتئم..

موضوع: رد: شو بدنا نعمل ؟ الأحد ماي 18, 2008 11:07 pm

هلا يا غالي هيروووو

دوووووم هالضحكة يا رب

اسسسسسسف على الغلط

جاري التعديل
_________________
ابتـــــــــعد في صمت وارحـــــل في هدوء
واتــــــرك جــــــروحي تنــــــام وتلتــــــئم..
وان حصــــــل عني العـــواذل وانشــــــدوا
قل لهــــــم خـــــان المبــــــــادىء والقيـم..
سمـــــــني غـــــدار او سمــــــــني عـــدو
وانت سمــــي نفـــــسك ب"ســـــيد الشيم"
اتــــــــرك احــــــزاني وارحـــل في هدوء
يمــــــكن جـــــــروحي تطــــيب وتلـــــتئم..

موضوع: رد: شو بدنا نعمل ؟ الأحد ماي 18, 2008 11:12 pm

اسف ما لقيت شي عدلو حطيت نقك بس

هههههههه تم التعديل
_________________
ابتـــــــــعد في صمت وارحـــــل في هدوء
واتــــــرك جــــــروحي تنــــــام وتلتــــــئم..
وان حصــــــل عني العـــواذل وانشــــــدوا
قل لهــــــم خـــــان المبــــــــادىء والقيـم..
سمـــــــني غـــــدار او سمــــــــني عـــدو
وانت سمــــي نفـــــسك ب"ســـــيد الشيم"
اتــــــــرك احــــــزاني وارحـــل في هدوء
يمــــــكن جـــــــروحي تطــــيب وتلـــــتئم..